रविरुद्र पितामह विष्णुनुतं ।
हरिचंदन कुंकुंम पंकयुतं ।।
मुनिवृन्द गणेन्द्र समानयुतं ।
तव नौमी सरस्वती पादयुगं ।।
शशि शुद्ध सुधा हिम धाम युतं ।
शरदम्बर बिम्ब समान करं ।।
बहुरत्न मनोहर कान्तियुतं ।
तव नौमी सरस्वती पादयुगं ।।
कनकाब्ज विभूषित भूति भवं ।
भव भाव विभाषित भिन्न पदं ।।
प्रभुचित समाहित साधु पदं ।
तव नौमी सरस्वती पादयुगं ।।
भवसागर मज्जन भीतिनुतं ।
प्रतिपादित संततिकारमिदं ।।
विमलादिक शुद्ध विशुद्ध पदं ।
तव नौमी सरस्वती पादयुगं ।।
मतिहीन जनाश्रय पादमिदं ।
सकलागमभाषित भिन्न पदं ।।
परिपूरित विश्वमनेकभवं ।
तव नौमी सरस्वती पादयुगं ।।
परिपूर्णमनोरथ धामनिधिम ।
परमार्थ विचार विवेक निधिम ।।
सुरयोषित सेवित पादतलं ।
तव नौमी सरस्वती पादयुगं ।।
सुरमौली मणिद्युति शुभ्रकर ।
विषयादि महाभय वर्णहरं ।।
निजकान्ति विलेपित चंद्र शिवं।
तव नौमी सरस्वती पादयुगं ।।
गुणनैक कुलस्थिति भीतिपदं ।
गुण गौरव गर्वित सत्यपदं ।।
कमलोदर कोमल पादतलं ।
तव नौमी सरस्वती पादयुगं ।।
No comments:
Post a Comment